Umarangsu Goal Field Assam ka ek aisa hidden tourist destination hai, jo Dima Hasao district me sthit hai. Yeh jagah apne blue colour ke paani, shant environment aur natural beauty ke liye jaani jaati hai. Bahut kam log is jagah ke baare me jaante hain, isliye yeh Assam ka ek unexplored aur peaceful place mana jata hai.
Agar aap nature, shanti aur bheed se door rehkar ghoomne ka plan bana rahe hain, to Umarangsu Goal Field aapke liye perfect jagah ho sakti hai.
Umarangsu me Stay, Bonfire aur Luxury Facilities
Umarangsu Goal Field me tourists ke liye kaafi achhi stay facilities available hain. Yahan aapko:
- Night stay ke liye comfortable rooms
- Luxury rooms ka option
- Tent stay ka experience
- Bonfire ke sath dinner
- Veg aur Non-Veg dono tarah ka food
Yahan stay karna ek alag hi sukoon deta hai. Nature ke beech rehkar aap apne family, friends ya couple ke sath quality time spend kar sakte hain. Is jagah ka environment itna peaceful hai ki yeh stay jannat jaisa feel deta hai.
Guwahati se Umarangsu Distance aur Route
By Train
Agar aap train se aa rahe hain, to pehle aapko Hojai ya Lanka Railway Station par utarna hoga. Umarangsu ke liye direct train service available nahi hai. Hojai se aapko pehle Lanka jana hoga, kyunki bus aur cab ki facility zyada tar Lanka se hi milti hai.
By Road
Agar aap road se aa rahe hain, to Umarangsu ka route National Highway par board ke through clearly mention hota hai. Aap Google Maps ka use karke bhi aasani se pahunch sakte hain.
Road route is prakar hai:
- Guwahati se Nagaon Bypass aaiye
- Nagaon Bypass se Lumding Road par lagbhag 67 km travel kijiye
- Iske baad Lanka milega
- Lanka Bypass se andar ghus kar Kheroni ki taraf jaiye
- Kheroni 4 Ali se seedha chalne par Umarangsu Gate milega
Lanka se Dima Hasao (Umarangsu) ka distance lagbhag 76 km hai. Gate entry ke baad aapko Assam ke sabse khoobsurat natural views dekhne ko milte hain.
Goal Field – Umarangsu ka Famous Tourist Spot
Goal Field, Umarangsu ka sabse popular aur famous tourist place hai. Yeh jagah Dima Hasao district, Assam me sthit hai aur nature lovers ke liye kisi paradise se kam nahi hai.
Goal Field ki kuch khas baatein:
- Bilkul saaf aur blue color ka paani
- Hari-bhari pahadiyan aur green nature
- Shant aur pollution-free environment
- Stay aur hotel facilities jo 5-star experience jaisa feel deti hain
Yahan aakar jo shanti aur sukoon milta hai, use shabdon me bayan karna mushkil hai. Saath hi yahan ke local log bhi kaafi friendly aur helpful hote hain.
Dima Hasao ka Most Beautiful Picnic Spot
Jab bhi Dima Hasao me picnic spot ki baat hoti hai, to Goal Field Umarangsu ka naam sabse pehle liya jata hai. Yeh jagah clean, safe aur nature-friendly hone ke saath-saath family picnic ke liye perfect hai.
Is jagah ki khasiyat:
- Nature-friendly environment
- Picnic aur relaxation ke liye ideal location
- Kam bheed aur zyada shanti
Isliye log aksar kehte hain –
“Chalo na, Goal Field chalte hain”
Couple, Friends aur Family ke liye Perfect Jagah
Couple ke liye
Umarangsu Goal Field couples ke liye kaafi romantic aur peaceful jagah hai. Aap room ya tent stay dono me se koi bhi option choose kar sakte hain. Bonfire aur nature ke beech quality time spend karna couples ke liye ek yaadgaar experience ban jata hai.
Friends ke liye
Doston ke sath Umarangsu aana masti aur enjoyment se bhara hota hai. Raat ko bonfire, music, dinner aur baatein – Assam me aisi jagah bahut kam milti hai. Main khud apne doston ke sath yahan gaya hoon aur experience kaafi achha raha.
Family ke liye
Family ke sath ghoomne ke liye Umarangsu Goal Field bilkul safe aur suitable jagah hai. Agar aap subah jaldi pahunch jaate hain, to poora din enjoy karke shaam ko aaram se wapas laut sakte hain. Night stay ka option bhi available hai.
Umarangsu Goal Field ghoomne ka best time
Umarangsu Goal Field ghoomne ka sabse achha time October se March ke beech mana jata hai. Is samay weather pleasant hota hai aur nature apni poori khoobsurti me hota hai.
Conclusion
Umarangsu Goal Field Assam ka ek aisa tourist place hai jo abhi bhi bheed se door aur natural beauty se bhara hua hai. Agar aap Assam me rehte hain ya Assam ghoomne ka plan bana rahe hain, to is jagah ko apni travel list me zaroor shamil karein. kyu ki aisa place aap ko khi or nhi milega
Yeh jagah shanti, sukoon aur nature ka perfect combination hai, jo couple, friends aur family sabhi ke liye ek memorable experience deti hai.
Agar mera contain app ko acha lage to please apne dosto ke sath share kare thankas a loat
