Hello doston, Aaj hum baat karne wale hain Assam ke ek bahut hi khoobsurat aur mashhoor waterfall – Panimur Waterfall ke baare mein. Yeh ek aisi jagah hai jahan shanti, sundarta aur prakriti ka adbhut sangam dekhne ko milta hai.
Assam ke logon ke liye yeh jagah kaafi pehchaani hui hai aur shayad aap me se kai log yahan kabhi na kabhi gaye bhi honge. Panimur Waterfall ki khoobsurti itni adhik hai ki jo bhi yahan ek baar aata hai, uska mann baar-baar yahan aane ka man karta hai. Yahan ka neela paani, bade-bade pathar, aur charon taraf ghane jungle is jagah ko aur bhi manmohak bana dete hain. Beech-beech mein pahadon ka drishya is waterfall ki sundarta ko aur badha deta hai
Panimur Waterfall Kahan Sthit Hai?
Panimur Waterfall Assam rajya ke Karbi Anglong district me sthit hai, jo Assam ka sabse bada district maana jata hai. Agar aap Google par search karenge to aapko is jagah ki exact location aasani se mil jayegi. Yeh waterfall apni prakritik sundarta ke liye jaana jata hai aur kai log ise Assam ke sabse sundar jharno me se ek maante hain. Yahan ka vatavaran bilkul pollution-free hai, jahan aapko shuddh hawa aur prakriti ki asli khushboo mehsoos hogi.
Panimur Waterfall Picnic Spot Aur Tourist Place
Panimur Waterfall ek perfect picnic spot aur tourist destination hai. Log yahan: Family ke sath ghoomne Doston ke sath picnic Photography Nature enjoy Karne shanti aur sukoon paane ke liye aate hain. Yahan aap nahane, board riding jaise activities ka bhi anand le sakte ho. Bade-bade patharon ke beech behte hue neele paani ka drishya dekhna ek yaadgaar anubhav hota hai.
Panimur Waterfall Jaane Ka Best Time:
Panimur Waterfall ghoomne ka sabse achha samay: Summer vacation November se December mana jata hai. Subah 11 baje se shaam 4 ya 5 baje tak yahan aaram se time spend kiya ja sakta hai. Shaam dhalne se pehle wapas nikal jana hi surakshit hota hai, kyunki yeh area jungle se ghira hua hai aur shaam ke samay jangli jaanwar nikalne ke chances rehte hain.
Panimur Waterfall Jaane Ka Rasta (By Road)
Panimur Waterfall jaane ke liye: Sabse pehle aapko Lanka pahunchna Hoga lanka se taxi ya car reserve karke Kheroin side ke road par sidha chalna Hoga taxi driver aapko seedha Panimur Waterfall tak le Jayega agar aap personal car se aa rahe hain: Nagaon bypass se aate hue lagbhag 70 km chalne ke baad Lanka bypass Milega lanka market se Kheroin ki taraf sidha jaane par kuch hi doori par Panimur Waterfall mil jata Hai local logon se poochhne par bhi aapko aasani se rasta bata diya jayega
Panimur Waterfall Mein Kya Na Karen
Is sundar jagah ko saaf rakhna hum sabki zimmedari hai: Plastic bottle ya carry bag wahan na phenke Paani ko pradushit na Karein tobacco aur alcohol ka use bilkul na karein Jungle aur prakriti ka samman kare Panimur Waterfall ek saaf-sutri aur shant jagah hai, ise ganda hone se bachayein.
Kuch Important Jankari Note
Yahan stay karne ki suvidha uplabdh nahi Hai changing room ya bathroom ki facility nahi hai Yeh poori tarah se open natural place haai isliye ahan aane se pehle zaroori saman apne sath lekar aayein.
Conclusion please note
Agar aap Assam me ek aisi jagah dhoondh rahe hain jahan shanti, prakriti aur sundarta ek sath mile, to Panimur Waterfall aapke liye perfect destination hai. Family, friends ya bachchon ke sath school vacation me yahan aakar aap ek yaadgaar anubhav le sakte hain
