aaj main aap sabhi ko Assam ke ek aise khoobsurat aur shaant jagah ke baare mein batane wala hoon, jo dekhne mein itna sundar hai ki pehli baar mein hi dil jeet leta hai. Yeh jagah Assam ki prakritik khoobsurti ko aur bhi zyada nikhar kar dikhati hai.
Yeh tourist spot Assam ke Nagaon district mein sthit hai, jo apni hariali, chai ke baganon aur pahadiyon ke liye jaana jaata hai. Agar aap shanti, nature aur fresh environment pasand karte hain, to yeh jagah aapke liye bilkul perfect hai.
Main baat kar raha hoon Tenga Pani Waterfall, Assam ki — jo charon taraf se chai ke baganon aur pahadiyon se ghira hua ek behad hi sundar waterfall hai.
Tenga Pani Waterfall kahan sthit hai?
Tenga Pani Waterfall Assam ke Nagaon district mein sthit hai. Yeh waterfall Kothiya Toli se thoda andar ki taraf jaane par milta hai. Agar aap Assam ke kisi aur shehar se aa rahe hain, to sabse pehle aapko Nagaon pahunchna hoga. Nagaon se aap Kothiya Toli ki taraf ja sakte hain, jahan se Tenga Pani Waterfall ka rasta shuru hota hai.
Tenga Pani Waterfall ki Khubsurti
Pani Waterfall ki sabse badi khaasiyat yeh hai ki yeh jagah poori tarah se pollution-free hai.Yahan ka environment itna shuddh aur fresh hai ki aap apne saare stress aur tension bhool jaoge.Charon taraf chai ke Bagan beech mein hariyali se ghira hua rasta Thanda aur saaf pahadi Paani shanti aur sukoon ka Mashallah jagah friends, family aur couples ke liye ek best picnic aur short trip destination hai.
Entry Fee (Pravesh Shulk)
Tenga Pani Waterfall mein entry ke liye ₹50 ka nominal fee liya jaata hai। Yeh fee isliye li jaati hai kyunki: Jagah ki safai aur Maintenance tourist ki Safety emergency situation mein Madad poora fund local committee ke dwara manage kiya jaata hai. Isliye entry fee dene se kabhi bhi galat na sochein.
Entry Time Table (Timing)
Open Time: Subah 8:00 baje Close Time: Shaam 5:00 baje shaam 5:00 baje ke baad entry band kar di jaati hai, kyunki: Raat ke time jungli janwar jaise haathi, sapna aadi nikal aate Hain safety reasons ke kaaran yeh rule follow kiya jaata Hai isliye koshish karein ki aap subah ya dopahar mein hi yahan ghoomne aayein
Bike Entry Allowed hai ya nahi?
Haan, bike entry allowed hai Aap gate se permission aur pass lekar apni bike andar le ja sakte ho. Bike se ghoomne par aap waterfall tak aasani se pahunch sakte ho aur nature ka maza aur bhi achha lagta hai.
Trekking ka Anubhav
waterfall tak pahunchne ke liye aapko lagbhag 4–5 kilometer trekking karni padti hai. Trekking ka rasta mushkil nahi hai, kyunki: Bahut saare tourist saath hote hain Nature ke beech chalte-chalte thakan ka ehsaas kam hota hai
Tip: Saath mein water bottle aur energy drink zaroor rakhein, kyunki thodi-thodi door par thakan mehsoos hoti hai.
Tenga Pani Waterfall ka Location kaise pahunchen?
Route Guide: Nagaon bypass se Lumding Road par aaiye Hojai ki taraf Badhiya thodi door par Kothiya Toli Kathiatoli milega Wahan se kisi bhi local person se pooch kar ya Google Maps ka use karke asaani se pahunch sakte hain Taxi ya personal vehicle dono se yahan aana possible hai.
Kya yahan naha sakte hain?
Haan, aap naha sakte Hai lekin dhyan rahe: Paani bahut zyada thanda hota hai Sardiyon mein thodi dikkat ho sakti Hai isliye safety ka dhyan rakhte hue hi paani mein jaayein
Kya yahan rukne (Stay) ki suvidha hai?
Nahi Yahan: Koi hotel ya guest house nahi hai Raat mein rukna safe nahi hota Jungli janwaron ka khatra hota hai Isliye best yahi hai ki subah aayein aur shaam tak wapas laut jaayein
